Xa está disponíbel o MuseScore 0.9.4 en http://musescore.org/gl/descarga.

Funcionalidades novas máis interesantes: melloras na selección, copiado e apegado das notas, desprazamento automático durante a reprodución, máis linguas, melloras na entrada de percursión, posibilidade de teclado MIDI no Windows (no Linux xa se podía) e uns 30 erros arranxados.

Reprodución

• Desprazamento automático durante a reprodución
• Duración das notas aumentada durante a reprodución para que as notas normais xa non soen como medio staccato
  • Fragmento MIDI de Promenade (MuseScore 0.9.4)
  • Fragmento MIDI de Promenade (MuseScore 0.9.3)
• Cando a reprodución chega ao remate da peza, volve automaticamente ao comezo para así estar preparada para a próxima vez que se reproduza esa peza.
• As anotacións de arpeggio afectan a reprodución
• Posibilidade de pizzicato e tremolo cos instrumentos de corda e mudo coa trompeta

Notación

• Posibilidade de notas de duración máis longa, incluídas as cadradas e as longas
• As direccións das plicas axústanse automaticamente nos compases de varias voces
• Moitos arranxos nos grupos artificiais relacionados cos acordes, as alteracións, a eliminación e as chaves editábeis
• Máis alteracións pensadas para a música makam turca
• Partituras para banda
  • Posibilidade de acochar os pentagramas baleiros
  • Posibilidade primitiva de silencios de varios compases
    
  • Modelos novos para corais e himnos
  • Melloras nas partes creadas a partir dunha partitura completa incluídos arranxos na reprodución, ligaduras de expresións, texto do tempo
• Específicas de instrumentos
  • Paleta especial de percursión para permitir empregar o rato para anotar a percusión
  • Instrumentos e voces novos, incluídos a voz de alto, a frauta, a corneta e o fliscorno
  • Mellora na notación da guitarra clásica, incluídos os números de dixitación en círculos
  • Posibilidade de notación de acordes para guitarra
    
  • Claves novas, incluída a clave de violino francés e a clave de do en quinta e arranxos na clave de do en cuarta
  • Máis opcións para as marcas do pedal do piano
• Disposición
  • A distancia entre os pentagramas pódese axustar dentro dos sistemas individuais mediante o novo espaciador de pentagramas
    
  • Melloras na colocación das ligaduras iniciais
  • Pódese axustar posición vertical dos silencios.
  • As segundas e unísonos de varias voces xa non chocan cando non o deben facer
  • Pódense modificar a altura e a inclinación das barras de unión
  • Arranxouse a unión errónea no tempo 4/4 entre a segunda e a terceira notas
  • Arranxouse a dirección errónea das unións partidas
  • Pódense mover as chaves para a esquerda ou para a dereita

Texto

• Copie e apegue facilmente o texto das letras na partitura de palabra en palabra. No modo Letras o MuseScore só apega a primeira palabra, elimina esa palabra do portarretallos e move o texto do cursor para a nota seguinte.
• Os trazos nas letras móstranse agora con lonxitude normal
• Conversión automática das fraccións simples e do símbolo de copyright. Por exemplo, "1/2" aparece como "½" e "(C)" como "©"
• Os bemois e os sostidos móstranse correctamente nos nomes dos acordes. Por exemplo, "b" aparece como "♭" e "#" aparece como "♯"
• Cando se escriben as letras ou os nomes dos acordes, a partitira móvese automaticamente para que a zona na que se escriba fique na pantalla
• Se a paleta de texto\paleta de texto ocupa a área na que se escribe, pódese sacar de diante. Nas versións anteriores era inamovíbel
• As modificacións do estilo do texto xa non requiren que se feche e se abra de novo a partitura para velas

Interface do usuario

• Copiado e apegado de compases parciais e seleccións e seleccións tipo "lazo" (Maiúsculas+arrastrar)
• Ao copiar unha selección de música agora inclúense os nomes dos acordes, as letras e
• Arranxáronse problemas cos tipos de letra que facían que o MuseScore deixase de funcionar nalgunhas máquinas Windows
• As mensaxes das iconas mostran os atallos de teclado entre parénteses

  

• Desfacer funciona agora coas ligaduras e os intervalos
• A lista de ficheiros abertos recentemente do menú Ficheiro é agora máis fiábel
• Pasar ao separador seguinte ou ao anterior con Ctrl+Tab e Ctrl+Maiúsculas+Tab
• O usuario pode configurar e modificar a paleta
• Nova opción de inicio: comezar sen partitura
• É posíbel o esquema de cores invertidas (elementos da partitura en branco sobre un fondo negro)
• Pódense engadir imaxes (PNG ou JPG) á partitura e gardalas nun ficheiro .MSCZ. Para engadir unha imaxe, arrastre un ficheiro de imaxe para encima da partitura.

Internacionalización

• A version 0.9.4 engade as traducións ao holandés, o galego, o turco, o portugués do Brasil e o hindi da interface, co que se eleva o número a un total de 12 linguas.
• O manual da versión anterior viña en tres linguas (inglés, alemán e castelán). A versión anterior engade as traducións ao francés, o holandés e o galego.
• Posibilidade de mudar o tamaño do papel por omisión de A4 a carta americana ou outro tamaño de papel. Nas versións anteriores había que mudar manualmente o tamaño do papel de cada partitura nova.

Importación e exportación

• As melloras na importación de MusicXML inclúen os nomes dos acordes, a chave da percusión, o cambio de octava, reinterpretacións, nomes das partes, distancia das liñas divisorias e transposición
• As melloras na exportación a MusicXML inclúen as ligaduras, as extensións das letras, a orde correcta dos nomes dos acordes e os nomes de ficheiro Unicode
• As melloras na exportación a Lilypond inclúen a separación de voces para editar mellor a man, posibilidade de ligaduras, anacrusas, compases incompletos, tresillos, correccións de octava, barras das notas de adorno e chaves sinxelas
• Nova importación de Capella, experimental
• A importación de MIDI inclúe a posibilidade de ficheiros sen marca de tempo e xa non crea máis compases innecesarios
• A exportación a PDF funciona agora con tamaños de páxina personalizados

Outros

• Manuais novos en PDF completos con imaxes. Nas versións anteriores o manual local non tiña imaxes e era difícil procurar nel.
• Arranxáronse uns 30 erros graves durante o ciclo de desenvolvemento da versión 0.9.4

Para a lista completa das modificacións vexa o Rexistro de modificacións

Créditos

Programación

• Werner Schweer: Coordenador do proxecto e programador principal
• Seth Yastrov: Programador
• Lasconic: Versións para o Windows, importación e exportación a MusicXML
• Toby Smithe: Versións para Ubuntu
• Olav Gundersen: Exportación a LilyPond
• Leon Vinken: Importación e exportación a MusicXML

Localización

• Checo
  • Tomas Valusek
• Holandés
  • Jaap Plaisier
• Francés
  • Lasconio
  • Jean-Louis Waltener
• Galego
  • Xosé Calvo
• Alemán
  • Werner Schweer
• Hindi
  • bvgr
• Italiano
  • Angelo Contardi
  • Antonio Marchionne
• Portugués do Brasil
  • israel_zeu
• Ruso
  • Alexandre Prokoudine
• Español
  • Carlos Sanchiavedraz
  • Macedonious
  • Marcos Guglielmetti
• Turco
  • Halil Kirazlı

Outros

• Thomas Bonte: Sitio web
• David Bolton: Documentación